Milli Dirçəliş Günü ilə əlaqədar dəyirmi masa təşkil olunub

Sumqayıt Dövlət Universitetinin Tələbə Gənclər Təşkilatı və Nəriman Nərimanov adına Mədəniyyət Mərkəzinin “Dostluq” mədəniyyət evinin birgə təşkilatçılığı ilə 17 noyabr Milli Dirçəliş Gününə həsr olunmuş dəyirmi masa təşkil edilib.

İlk olaraq Azərbaycan Respublikasının Dövlət Himni səsləndirilib.

Tədbirdə mədəniyyət evinin metodisti Cahangir Məhərrəmov tarixi günün mahiyyətindən danışıb. O qeyd edib ki, xalqımızın azadlıq mübarizəsinin əsas mərhələlərindən birini təşkil edən bu əlamətdar gün Azərbaycanın müstəqilliyinin bərpa edilməsində tarixi rol oynayıb. 1988-ci il noyabrın 17-də Azərbaycan xalqının azadlıq səsini ucaldaraq, sovet imperiyasına qarşı hamılıqla ayağa qalxması onun dirçəlişi yolunda dönüş nöqtəsi oldu. Azərbaycan xalqı uzun illər arzusunda olduğu müstəqilliyinə qovuşdu. 1992-ci ildən etibarən 17 noyabr Milli Dirçəliş Günü kimi qeyd olunur.

Tədbir diskussiya şəklində davam edib və sonda xatirə şəkli çəkdirilib.

Mətbuat xidməti