Əsas səhifə | Əcnəbilərin qəbul şərtləri
Əcnəbilərin qəbul şərtləri


Azərbaycanın ən böyük ali məktəblərindən biri olan Sumqayıt Dövlət Universiteti bütün ixtisaslar üzrə əcnəbi vətəndaşların hazırlıq kursu, bakalavriat və magistratura pillələri üzrə qəbulunu elan edir.
Təhsil Azərbaycan dilində aparılır.
SDU-da təhsil almaq istəyən əcnəbi vətəndaş sənədlərini aşağıdakı qaydaya uyğun təqdim etməlidir.
-elektron forma
-əsas forma
Elektron formada ərizə ilə müraciət edən əcnəbi abituriyentlər www. edu.sdu.az saytı vasitəsilə verilmiş “online ərizə” formasını dolduraraq ixtisas və tədris dili seçimini edə bilərlər. Hər 2 halda əcnəbi abituriyentlər sənəd qəbulundan sonra tədris dilini bilmələri barədə imtahana dəvət olunurlar. İmtahanı müvəffəqiyyətlə verən əcnəbi abituriyent hazırlıq kursu keçmədən seçdiyi ixtisas üzrə təhsilini 1-ci kursdan davam etdirə bilər. Tədris dili imtahanından keçməyən əcnəbi abituriyentlər isə “Hazırlıq kursu”nda təkrar təhsil almaq imkanına malikdirlər.
Viza proseduru
Əcnəbi vətəndaş universitetə gəlməzdən əvvəl təhsil vizası almalıdır. Yalnız bundan sonra onlar Azərbaycan Respublikası Qanunvericiliyinə uyğun Dövlət Miqrasiya Xidməti tərəfindən müvəqqəti yaşama icazəsi (MYİ) ilə təmin olunacaqlar.

Sumqayıt Bakının 30 km-də Xəzər dənizi sahilində yerləşən gənclər şəhəridir. Şəhərdə yaşamaq və istirahət üçün hər bir şərait vardır. Son məlumata görə ərazisi 94,7km2; əhalisinin sayı:337,2 min nəfərdir. Şəhərdə yeganə ali təhsil ocağı Sumqayıt Dövlət Universitetidir. Universitetimizdə  ölkəmizin müxtəlif regionlarından və eyni zamanda xarici ölkələrdən gəlmiş əcnəbi vətəndaşlar təhsil alırlar. Hazırda tələbə yataqxanalarının yeni tipli binalarla əvəz olunması istiqamətində işlər getdiyindən tələbələrimiz kirayə evlərdə məskunlaşmışlar. 
Əcnəbi vətəndaşları universitetimizdə təhsil almağa cəlb etmək məqsədilə sosial şəbəkələrdən geniş istifadə olunur. Belə ki, Facebook şəbəkəsində yaradılmış səhifədə (Sumgait State University-İnternational Students) və universitetin rəsmi portalında (www.sdu.edu.az) lazımi məlumatlar ingilis və rus dillərində yerləşdirilmişdir. Verilən sualları cavablandırmaq üçün internet səhifəsində
sdu.edu.az saytının  bizimlə əlaqə bölməsi də fəaliyyət göstərir. Həmçinin, info@sdu.edu.az elektron ünvanında əcnəbilərin qəbulu ilə bağlı suallar mütəmadi olaraq cavablandırılır. 
Azərbaycan Respublikası  ərazisinə daxil olan hər bir əcnəbi vətəndaş 10 gün müddətinə olduğu yer üzrə (otel,kirayə) qeydiyyata düşməlidir. Təhsil almaq məqsədi ilə gələn əcnəbi vətəndaş universitetə təhsil vizası ilə gəlməlidir.Təhsil vizası aşağıdakı qayda ilə alınır.
1.Asan elektron viza
2.Səfirlik və konsulluq idarələrinin dəvət məktubu ilə. Hər iki halda universitetin adı və yerləşdiyi ünvan göstərilməlidir. Yalnız təhsil almaq hüququ qazandıqdan sonra universitetin və Təhsil Nazirliyinin (TN) dəstək məktublarına əsasən Dövlət Miqrasiya Xidmətinə  (DMX) müraciət oluna bilər. Müvəqqəti yaşamaq icazəsinin (MYİ) müddəti tələbələr üçün 1 akademik ildir.
Təhsilin təşkili, qəbul qaydaları, miqrasiya prosedurları ilə bağlı məsul şəxslərin məlumatları aşağıdakı kimidir:
Məmmədova Südabə  
     e-mail: sdu.hazirliq@gmail.com
     tel:       (994)055 752 52 19
Biz təhsil almağa gələn hər bir əcnəbi vətəndaşı universitetimizdə salamlayırıq.

ÜNVAN
ƏLAQƏ VASİTƏLƏRİ
SUMQAYIT DÖVLƏT UNİVERSİTETİ
Sumqayıt, Azərbaycan
43cü məhəllə
AZ5008
Telefon: +994-18 642-16-20
Faks: +994-18 642-02-70
E-Mail: info@sdu.edu.az