Aprelin 20-də Azərbaycan Universitetində Ulu öndər Heydər Əliyevin anadan olmasının 95-ci ildönümünə həsr olunmuş Gənc tədqiqatçıların I Respublika elmi-praktik konfransı keçirildi. Konfransda bir sıra ali təhsil müəssisələrinin magistrant, doktorant, dissertantları və müəllimləri iştirak etdilər. Sumqayıt Dövlət Universitetindən Azərbaycan dili və onun tədrisi metodikası kafedrasının baş müəllimləri: Aybəniz Məmmədova “Müasir müəllim hazırlığı və pedaqoji təcrübə”, Elnarə Əhmədova “Qubadlının Dəmirçilər toponiminin tarixinə bir baxış”, Lalə Həmzəyeva “Elmi dərketmədə anlayış və termin”; müəllimlər: Dilarə Quliyeva “Cümlə və söyləm”, Şeyda Quliyeva “Azərbaycan tapmacalarının poetikası haqqında”; baş laborant Mətanət Ağasıyeva “Qantəmirin nəsr əsərlərində dil məsələsi”; doktorant Mahirə Rahtari “ Azərbaycan dilində samitlərin təsnifatı tarixindən”, o cümlədən Linqvistik Mərkəzin rəhbəri Alik Abdullayev “Azərbaycan rusdilli yazıçılarının əsərlərində milli dəyərlər və ənənələr”; Folklorşünaslıq laboratoriyasının əməkdaşı Balakişi İsgəndərov “Məmməd Aslanın təbiət şeirlərində istifadə etdiyi obrazlar” mövzularında məruzələrlə çıxış edərək sertifikatlara layiq görüldülər.

Mətbuat xidməti