İYM-in vəzifələri aşağıdakılardır:
1. İnnovativ ideyalar bazasının yaradılması üçün startup ərizələrinin verilməsi, ixtisasçı ekspertlər tərəfindən yoxlanılması, qiymətləndirilməsi və mentorlara təkim edilməsi;
2. Startupçıların mentorlarla işlərinin təşkili, biznes planlarının hazırlanması, startup şəhadətnamələrinin alınması, startup müsabiqələrində iştirakıarın təmin edilməsi, vençur investisiya məmbələrinin axtarışı və seçilməsi;
3. Startup layihələrin nəzəri tədqiqatlarının aparılması, laboratoriya eksperimentləri ilə yoxlanılması, qiymətləndirilməsi və praktiki olaraq layihələrin maketlərinin ilkin variantlarının (3D printerlərin köməyi ilə) hazırlanması və sınaqdan keçirilməsi. Layihələrin texniki, keyfiyyət və iqtisadi göstəricilərinin təyini, prototip işlərlə müqayisə edilməsi, üstün və çatışmayan cəhətlərin müəyyən edilməsi;
4. Qrant, investisiya dəstəyi olan startupçıların rezident fəaliyyəti üçün İYM-in inkubasiya şöbəsində iş şəraitinin yaradılması, hər bir texniki, proqram, kompüter şəbəkəsi və informasiya dəstəyinin verilməsi.
5. Startupçıların layihələrinin Əqli Mülkiyyət Agentliyinə təqdim edilməsi və ASAN patentləşdirmə prosedurlarına dəstək verilməsi.
6. Startup layihələrin biznesini, marketinqini, maliyyəsini, mühasibat uçotunu və audit məsələlərinin həllini təmin etmək.
İYM-in ixtisas istiqamətləri və istifadə olunan vasitələr:
1. Startup layihələrin verilənlər bazasının yaradılması, saxlanılması, informasiya-axtarışı üçün avtomatlaşdırılmış iş yeri üçün fərdi kompüterlər (ixtisaslar üzrə: proseslərin avtomatlaşdırılması, mexatronika və robototexnika; süni intellek sistemləri, proqramlaşdırma; biologiya və tibb, sağlamlıq; kimya və ekologiya; fizika və astronomiya; hərbi texnika və sistemlər);
2. Konstruktor layihələndirmə və hazırlanma prosesinin avtomatlaşdırılması üçün fərdi kompüterlərdən ibarət iş yerləri, AutoCAD–lə təchiz olunmuş proqram vasitələri və 3D printerlər;
3. Startul layihələrin hazırlanması üçün mexaniki dəzgahlar;
4. Robotların modelləşdirilməsi üçün avtomatlaşdırılmış iş yerləri və xüsusi tətbiqi proqram alətələri;
5. Kompüter şəbəkə sistemi.
İYM-in infrastrukturu, müvafiq otaqlar və onların təyinatları:
1. İYM-in rəhbərlik departamenti (1-ci otaq);
2. İYM-in startup-larının qeydiyyatı və ekspertiza bölməsi (1-ci otaq);
3. İYM-in tədris-təlim bölməsi (2-ci və 3-cü otaq);
4. İYM-in biznes inkubasiyası şöbəsi (4-cü otaq);
5. İYM-in rezidentlər bölmələrii (5-ci otaq)
6. İYM-in istehsalat bölməsi (3D printerlərdən ibarət 1 otaq, tədris dəzgahlarından ibarət 1 otaq);
7. İYM-in konfrans, seminar və sərgilərin təşkili bölməsi (1 sərgi salonu, 1 konfrans zalı)
İYM-in işləməsi mərhələləri:
1. İYM-in toplantı, startup-ların müzakirəsi və ekspert qiymətləndirilməsi infrastruktur bölməsinin yaradılması;
2. İYM – in bölmələrinin müvafiq inventarlarla, komunikasiya vasitələri ilə təchiz edilməsi, fərdi kompüterlərin iş yerlərində quraşdırılması, kabelsiz lokal şəbəkəyə və İNTERNET-ə qoşulması;
3. İYM – in 3D printer (2 ədəd) və mexaniki dəzgahlarla təchiz edilməsi.
4. İYM – in robototexniki və süni intellekt ixtisasları üzrə rezidentlərin iş yerlərinin təşkili. Startap layihələrin verilənlər bazasının idarəetmə sisteminin yaradılması.
5. İYM – in istehsal sahəsinin yaradılması və işə salınması.
6. Startap layihələrin mentorlarla birgə işlənməsi, tədqiqatlarının aparılması, 3D printerli və dəzgahlardan ibarət istehsalat xəttində nümunəvi layihə variantının hazırlanması, kommersiya şöbəsində startap biznesinin həyata keçirilməsi və sərginin təşkili.
