Məmmədov Əsəd Aqil oğlu 1973-cü ildə Şuşa şəhərində ziyalı ailəsində anadan olmuşdur. 1990-cı ildə Bakı şəhərinin 46 saylı orta məktəbini bitirmiş, “Alim aqronom” və “Hüquqşünas” ixtisasları üzrə ali təhsil almışdır. Həmçinin Almaniya Federativ Respublikasında “Corc Marşal adına Təhlükəsizlik Bilimləri Avropa Mərkəzi”nin Təhlükəsizlik və Konfliktologiya Bilimləri Proqramı” üzrə təlim kursunu keçmişdir.Əsəd Məmmədov 1995-ci ildən AMEA-nın Gəncə Regional Elmlər Akademiyasında kiçik elmi işçi kimi fəaliyyətə başlayaraq, müxtəlif vəzifələrdə çalışmışdır. 2016-2020-ci illərdə Azərbaycan Respublikasının Heydər Əliyev adına Dərin Özüllər zavodunun operatoru olan “BOS Shelf” MMC-nin baş direktorunun müşaviri vəzifəsində işləmiş, hal-hazırda Sumqayıt Dövlət Universitetində Ümumi işlər üzrə prorektor vəzifəsini icra edir. Ailəlidir, 1 övladı var.