Sumqayıt Dövlət Universitetində (SDU) 2024-2025-ci tədris ilinin payız semestrinin imtahan sessiyası davam edir. 6-15 yanvar tarixləri arasında keçirilən növbəti imtahan həftəsində ümumilikdə hər qrup üzrə 2-3 imtahan olmaqla, 957 imtahanda 14543 təhsilalan iştirak edib. Bakalavriat səviyyəsi üzrə müvəffəqiyyət göstəricisi 70,2%, magistrantların müvəffəqiyyət göstəricisi 96% təşkil edir. Apellyasiya Komissiyasına isə tələbələr tərəfindən 58 müraciət daxil olub. Qeyd edək ki, imtahan prosesində yaranacaq narazılıqların araşdırılması və həlli məqsədilə İmtahan Qərargahı və Apellyasiya Komissiyası fəaliyyət göstərir. Üzrlü səbəblərdən imtahan sessiyasında iştirak edə bilməyən tələbələrə yenidən imtahan vermək şansı da yaradılacaq. Onlar üzrlü səbəb haqqında əsaslandırılmış arayışlarını təqdim etməklə növbəti semestrin başlanğıcına qədər həmin fənnlər üzrə imtahanlarda iştirak edə biləcəklər. Payız semestrinin imtahan sessiyası yanvar ayının 31-dək davam edəcək.