Dekabrın 27-də Sumqayıt Dövlət Universitetində Dünya Azərbaycanlılarının Həmrəylik Günü münasibətilə tədbir keçirilib. Tədbir SDU-nun Həmkarlar İttifaqı Komitəsi və Tələbə Həmkarlar İttifaqı Komitəsinin birgə təşkilatçılığı ilə baş tutub. İştirakçılar əvvəlcə təyyarə qəzasında həlak olanların xatirəsini bir dəqiqəlik sükutla yad ediblər. Tədbirin açılış nitqi ilə çıxış edən prorektor dosent Elmar Xəlilov kollektivə rektor Rüfət Əzizovun Dünya Azərbaycanlılarının Həmrəylik Günü münasibətilə təbriklərini çatdırıb. Sonra SDU-nun Həmkarlar İttifaqı Komitəsinin sədri Nemət İbayev və Tələbə Həmkarlar İttifaqı Komitəsinin sədri Elmin Novruzlu kollektivi 31 dekabr – Dünya Azərbaycanlılarının Həmrəylik Günü münasibətilə səmimi qəlbdən təbrik edib, elmi-pedaqoji fəaliyyətlərində nailiyyətlər, tələbələrə isə qarşıdan gələn imtahan sessiyasında uğurlar arzulayıblar.