Dekabrın 21-də Sumqayıt Dövlət Universitetində (SDU) Karyera və Məzunlarla İş Mərkəzi tərəfindən İqtisadiyyat və İdarəetmə fakültəsinin məzunları ilə 2 hissəli görüş keçirilib. Görüşdə SDU-nun əməkdaşları və məzunları iştirak ediblər. 1-ci görüşdə açılış nitqi ilə çıxış edən Karyera və Məzunlarla İş Mərkəzinin direktoru Nəsibə Əmirbəyova universitetin yeni fəaliyyət istiqamətlərindən və layihələrindən danışıb. Daha sonra İqtisadiyyat və İdarəetmə fakültəsinin dekanı Loğman Abdullayev çıxış edərək məzunlarımızın uğurlarından bəhs edib. Tədbirin gedişatında məzunlar öz universitet xatirələrini və hazırkı mövqelərini tədbir iştirakçıları ilə bölüşüblər. 2-ci görüşdə İqtisadiyyat və İdarəetmə fakültəsi üzrə karyera mütəxəssisi Aysel Nəsirova “Zəfərə gedən yol” müsabiqəsini və müsabiqənin şərtlərini təqdim edib. Müsabiqədə tələbələr komandalara bölünərək iştirak ediblər. SDU-nun müəllimləri və məzunları tərəfindən hazırlanmış suallar komandalara təqdim olunub. Ən çox bal toplayan “Sənaye inqilabçıları” komandası qalib komanda elan edilib. Sonda qaliblərə sertifikat və hədiyyələr təqdim olunub.