Dekabrın 16-da Sumqayıt Dövlət Universitetinin (SDU) rektoru, dosent Rüfət Əzizov Azərbaycan Milli Konservatoriyasının nəzdindəki Sumqayıt Musiqi Kollecinin direktoru, müəllim və tələbələrini qəbul edib. Görüşdə kollecin il ərzində SDU ilə birgə mədəni-kütləvi tədbirlərin uğurla həyata keçirilməsindəki əhəmiyyətli dəstəyi və səmərəli əməkdaşlığı vurğulanıb. Rektor kollecin direktoru sənətşünaslıq üzrə fəlsəfə doktoru, dosent Səbinə Mehdiyeva, müəllim Könül Bəkirova və bir qrup tələbəni göstərdikləri dəstəyə və səmərəli əməkdaşlığa görə Fəxri fərmanla təltif edib. Sumqayıt Musiqi Kolleci ilə SDU arasındakı səmərəli əməkdaşlığın bundan sonra da uğurla davam edəcəyini və qarşılıqlı faydalı layihələrin həyata keçiriləcəyini qeyd edib. Sonra rektor rəhbərlik etdiyi universitetdə təhsildə yeni layihələrin icrası ilə bağlı əsas məqsədin tələbə yönümlü universitetə çevrilmək olduğunu vurğulayıb. Rektor bu məqsədin reallaşdırılması üçün universitetin müasir təhsil tələblərinə uyğun inkişaf etdiriləcəyini diqqətə çatdırıb. Görüşün sonunda kollecin direktoru Səbinə Mehdiyeva rektor Rüfət Əzizova diqqət və qayğıya görə təşəkkürünü ifadə edib.