Sumqayıt Dövlət Universitetinin (SDU) əməkdaşları, Ümummilli Lider Heydər Əliyevin vəfatının ildönümündə, onun xatirəsini ehtiramla anıblar. Dekabrın 12-də universitetin rektoru Rüfət Əzizov və professor-müəllim heyəti Sumqayıt şəhərindəki Ümummilli liderin abidəsini ziyarət ediblər. Ziyarət zamanı universitet nümayəndələri Heydər Əliyevin Azərbaycan xalqı və dövlətinin inkişafına göstərdiyi böyük xidmətləri bir daha xatırlayaraq, abidə önünə tər güllər düzüblər. Bu tədbir, müasir Azərbaycan dövlətinin memarına və ümummilli liderə olan dərin ehtiramın ifadəsi olaraq, universitetin kollektivinin birliyi və hörmətini nümayiş etdirib. Ziyarət iştirakçıları, Ulu Öndərin ideyalarına sadiq qalaraq, onun Azərbaycan xalqına və dövlətinə olan misilsiz töhfələrini gələcək nəsillərə çatdırmağı özlərinə borc bildiklərini vurğulayıblar.