Sumqayıt Dövlət Universiteti (SDU) bu ilin ən mühüm və nüfuzlu elmi tədbirini elan edir! Doktorantların və Gənc Tədqiqatçıların XXVII Respublika Elmi Konfransı (NASCO XXVII) dekabrın 10-11-də universitetimizin ev sahibliyi ilə keçiriləcək. Tədbir, gənc alimlərin uğurlarını nümayiş etdirmək və elm sahəsində yeni əməkdaşlıqlar yaratmaq üçün mühüm platforma olacaq. Konfransın əsas məqsədi gənc alimlərə və tədqiqatçılara dəstək olmaq, onların elmi nailiyyətlərini geniş auditoriyaya çatdırmaq, həmçinin elmi tədqiqat sahəsində milli və beynəlxalq əməkdaşlıqları təşviq etməkdir.

Tədbirdə:

• 400-dən çox iştirakçı müxtəlif sahələrdə öz tədqiqatlarını təqdim edəcək.

• 251 elmi məqalə və tədqiqat işi müzakirə olunacaq.

• Azərbaycanın və dünyanın müxtəlif universitetlərindən gələn qabaqcıl alimlər və tədqiqatçılar tədbirə qatılacaq.

Bu konfrans gənc tədqiqatçılara öz potensiallarını göstərmək və gələcəyin alimləri üçün yeni perspektivlər yaratmaq üçün əvəzolunmaz imkan təqdim edir. Elm və innovasiyaya dair aktual mövzuların müzakirə olunacağı, alimlərin və tədqiqatçıların bir araya gəldiyi vacib elmi platformaya çevriləcəyi bu tədbir 10-11 dekabr 2024-cü il SDU-da keçiriləcək.