Sumqayıt Dövlət Universitetində (SDU) xarici universitetlərin tələbələri üçün qısamüddətli məktəb proqramlarına başlanılıb. İlk “Payız məktəbi” Şimali Qafqaz Federal Universiteti ilə birgə təşkil edilib və Rusiyanın 10 müxtəlif universitetindən seçilmiş fəal tələbələrin iştirakı ilə həyata keçirilir. Proqram çərçivəsində iştirakçılar Sumqayıt şəhərində maraqlı və zəngin mədəni təcrübələr yaşayıblar. Onlar şəhərin görməli yerlərini ziyarət edib, Sumqayıtın tarixi və mədəni irsi haqqında ətraflı məlumat əldə ediblər. Eyni zamanda, Heydər Əliyev Mərkəzi, Şahmat Məktəbi və Musiqi Məktəbi kimi mədəniyyət ocaqlarında olublar. Bu ziyarətlər tələbələr üçün həm idman, həm də mədəni baxımdan unudulmaz təəssüratlar yaradıb. Proqram, tələbələrin müxtəlif akademik və mədəni tədbirlərdə iştirakı ilə beynəlxalq əməkdaşlığın genişlənməsi, bilik və təcrübə mübadiləsinin artırılması və mədəniyyətlərarası əlaqələrin möhkəmlənməsi üçün platforma rolunu oynayır.