“Karyera planlaması: CV tərtibi” mövzusunda təlim
Sentyabrın 27-də Sumqayıt Dövlət Universitetində Karyera və Məzunlarla İş Mərkəzinin təşkilatçılığı ilə müəllim və tələbə heyəti üçün karyera planlaması bacarıqlarına yiyələnmək məqsədilə onlayn formatda vebinar keçirildi. Təlimçi İslam Oruclu “Karyera planlaması” mövzusunda çıxış edərək iştirakçılara CV yazma texnikaları, işə qəbul prosesində diqqət edilməli məqamlar və uğurlu karyera yolunda atılması vacib olan addımlar barədə məlumat verdi, uğur qazanmaq istəyən hər kəs üçün karyera planlamasının vacibliyini qeyd etdi. Sonra mövzu ətrafında geniş müzakirələr aparıldı və iştirakçıların sualları cavablandırıldı.
