Avqustun 5-də Sumqayıt Dövlət Universiteti və Şəki-Zaqatala Regional Təhsil İdarəsinin birgə təşkilatçılığı ilə Qəbələ və Şəki rayonlarında abituriyentlər üçün növbəti məlumatlandırma sessiyaları keçirildi. Görüşlərin məqsədi abituriyentləri SDU-nun təqdim etdiyi geniş imkanlar və təmin etdiyi müxtəlif xidmətlər barədə ətraflı məlumatlandırmaq idi.
Tədbirdə SDU-nu Elm və innovasiyalar üzrə prorektor dosent Elşad Abdullayev, İqtisadiyyat və idarəetmə fakültəsinin dekan müavini Araz Mirzəbəyov və 2-ci kurs magistr tələbəsi Elmin Novruzlu təmsil etdilər.
Çıxışçılar universitetin təqdim etdiyi geniş ixtisas seçimi, yeni ixtisaslar, təqaüd proqramları, karyera və təcrübə imkanları, tələbə həyatı barədə danışdılar.
Tədbir çərçivəsində SDU-nun tanıtım videoçarxı nümayiş etdirildi, iştirakçılara bukletlər və jurnallar paylanıldı.
Sonda iştirakçıların çoxsaylı sualları cavablandırıldı.