Avqustun 1-də Sumqayıt Dövlət Universitetinin rektor müşaviri, Energetika kafedrasının professoru Tamella Əhmədovanın 65 illik yubileyi qeyd edilib.
Universitetin rektoru dosent Rüfət Əzizov yubilyarı qəbul edərək səmimi şəkildə təbrik edib və onun universitetdəki səmərəli elmi-pedaqoji fəaliyyətini yüksək qiymətləndirərək Fəxri fərmanla təltif edib.
Qeyd edək ki, Tamella Əhmədova 1980-ci ildən Sumqayıt Dövlət Universitetində müxtəlif vəzifələrdə çalışıb, o cümlədən laborant, assistent, baş müəllim, dosent, kafedra müdiri və dekan kimi vəzifələri icra edib. 2017-ci ildə Azərbaycan Respublikası Prezidentinin Sərəncamı ilə Əməkdar müəllim fəxri adını alıb. 2023-cü ildə isə İnformasiya-ölçmə və idarəetmə sistemləri (robototexnika üzrə) elmlər doktoru elmi dərəcəsini qazanıb.
O, 80-dən çox elmi və tədris metodiki işin, o cümlədən 2 ixtira, 3 dərs vəsaiti, 6 metodik göstərişin və fənn proqramlarının müəllifidir.