Sumqayıt Dövlət Universitetinin STP Şirkətlər Qrupu ilə birgə “Gələcək mühəndislər” layihəsi çərçivəsində iyulun 16-da “Azertexnolayn” MMC-nin Polad boru zavodunun istehsal müdiri Əhəd Şəfiyev, “PAŞA Property Management” şirkətinin layihə rəhbəri Toğrul Muxtarov tərəfindən təlimlər keçirildi.
Təlimin birinci hissəsində spiker Əhəd Şəfiyev avtomatika ixtisası üzrə təhsil alan tələbələrə “Sənayedə avtomatlaşdırılmanın üstünlükləri” mövzusunda çıxış etdi. PLC (Proqramlaşdırılan məntiqi kontroller) haqqında ümumi məlumat verdi.
Spiker Toğrul Muxtarov isə mexanika ixtisası üzrə təhsil alan tələbələr üçün “Layihənin idarəetməsi” mövzusunda təqdimatla çıxış etdi.
Təqdimatlardan sonra onlar öz təcrübələrini tələbələrlə bölüşərək, bu sahədə karyera imkanlarından danışdılar.
Təlimin ikinci hissəsində isə praktiki tapşırıqlar qrup işi formasında yerinə yetirildi və birgə müzakirələr aparıldı, təlim iştirakçılarının sualları spikerlər tərəfindən cavablandırıldı.