SDU-da abituriyentlər üçün növbəti görüş təşkil edilib

İyulun 9-da qəbul imtahanlarında Sumqayıt şəhəri üzrə yuxarı bal toplayan abituriyentlər üçün Sumqayıt Dövlət Universitetinə infotur təşkil edildi.

İnfoturun məqsədi universitetdə yaradılan şərait, tədris prosesi və imkanlar haqqında məlumatlandırmaq idi.

Universitetin rektoru dosent Rüfət Əzizov məktəb nümayəndələrini və abituriyentləri salamladı, sənaye şəhərinin bilik və təcrübə mənbəyi olan genişprofilli Sumqayıt Dövlət Universitetində təhsil imkanları və üstünlükləri ilə bağlı ətraflı məlumat verdi. Universitetdə son illərdə təhsilin inkişafı istiqamətində əldə olunan uğurlardan, SABAH qrupları, təqaüd proqramlarından söz açdı, SDU-nun əsas strateji hədəflərini açıqladı və abituriyentləri maraqlandıran sualları cavablandırdı.

Yüksək bal toplayan abituriyentləri bir daha təbrik edən rektor, onlara gələcək fəaliyyətlərində uğurlar arzuladı.

Sonra abituriyentlər universitetlə yaxından tanış oldular.