Tələbələrimiz “Gələcək mühəndislər” təlim proqramı çərçivəsində “Azərikimya” İstehsalat Birliyində ekskursiyada olublar
Sumqayıt Dövlət Universitetinin STP Şirkətlər Qrupu ilə birgə təşkil etdiyi “Gələcək mühəndislər” təlim proqramı çərçivəsində iyunun 25-də tələbələrimiz SOCAR-ın “Azərikimya” İstehsalat Birliyində ikinövbəli ekskursiyada oldular. Burada tələbələr birliyin nümayəndələri tərəfindən “Azərikimya”da gedən istehsal prosesləri, həyata keçirilən yenidənqurma işləri, gerçəkləşən layihələr haqqında məlumat aldıqdan sonra istehsalatın ayrı-ayrı sexlərində gedən proseslərlə yaxından tanış olublar.
