Tələbələrimizin muzeylərə ekskursiyası təşkil olunub

Mayın 10-da Sumqayıt Dövlət Universitetinin Tarix və coğrafiya fakültəsinin 823 saylı qrupunun təcrübəçi tələbələri pedaqoji təcrübə rəhbərləri Şəhla Əhmədovanın və Aynurə Əfəndiyevanın rəhbərliyi ilə paytaxtda yerləşən bir neçə muzeyə ekskursiya ediblər.

Ekskursiya zamanı tələbələr Xalq Təhsili Muzeyini, Milli Azərbaycan Tarix Muzeyini və Azərbaycanın məşhur xeyriyyəçisi Hacı Zeynalabdin Tağıyevin xatirəsini əbədiləşdirmək məqsədilə onun yaşayış mülkündə yerləşən 9 otaqdan ibarət xatirə muzeyini ziyarət ediblər, muzeylərdə maraqlı tarixi məlumatlarla tanış olublar. Tələbələrə ölkə əhəmiyyətli memarlıq abidələri və eksponatlar barədə ətraflı məlumat verilib. Onlar xüsusi istifadə olunan məişət, əşya və geyim nümunələri, foto və sənət əsərləri ilə tanış olub, muzeylərin kolleksiya fonduna tamaşa ediblər.