Əməkdaşlarımız “Yaşıl dünya naminə həmrəylik ili” çərçivəsində təşkil edilmiş veloyürüş və əl işləri sərgisində iştirak ediblər
Abşeron-Xızı Regional Gənclər və İdman İdarəsi, 2 saylı Sumqayıt Regional “ASAN Xidmət” Mərkəzi, Sumqayıt Dövlət Universiteti və GİKM-in Abşeron-Xızı Regional nümayəndəliyinin birgə təşkilatçılığı ilə “Yaşıl dünya naminə həmrəylik ili” çərçivəsində Sumqayıt bulvarında veloyürüş və “Yaşıl bacarıqlar” adlı tullantı materiallarından hazırlanmış əl işləri sərgisi təşkil edilib.
Qeyd edək ki, tədbirdə Sumqayıt Dövlət Universitetindən Sosial məsələlər və ictimaiyyətlə əlaqələr üzrə prorektor dosent Elmar Xəlilov, prorektorluğun əməkdaşı Şükür Əliyev, SDU TGT-nin sədri Rəvan Paşayev və universitetin fəal tələbələri iştirak etmişlər.
Mətbuat xidməti
