Qarabağ Azərbaycandır!
#KarabakhisAzerbaijan
Əsas səhifə | Xəbərlər | SOCAR ilə Sumqayıt Dövlət Universitetinin nümayəndələri arasında görüş keçirilib
SOCAR ilə Sumqayıt Dövlət Universitetinin nümayəndələri arasında görüş keçirilib
2023-cü il yanvarın 23-də Sumqayıt Dövlət Universitetində (SDU) Azərbaycan Dövlət Neft Şirkəti (SOCAR) ilə SDU nümayəndələri arasında görüş keçirilib.
Görüşdə elmin, təhsilin inkişafına dair birgə əməkdaşlığın qarşılıqlı faydaları və perspektivləri haqqında fikir mübadiləsi aparılıb, SOCAR ilə SDU arasında səmərəli əməkdaşlığın genişləndirilməsindən məmnunluq ifadə edilib.
“Universitet-sənaye əməkdaşlığı” çərçivəsində SDU-nun bir çox müəssisələrlə faydalı əməkdaşlıq əlaqələrinə malik olduğu diqqətə çatdırılıb, bu təşəbbüsün birgə ixtisaslı kadrların hazırlanması işinə töhfə verəcəyi bildirib.
Görüşdə, həmçinin SOCAR tərəfindən gənclərin bilik və bacarıqlarının, eyni zamanda istehsalat təcrübələrinin artırılması istiqamətində çoxsaylı proqramların həyata keçirildiyi qeyd edilib. Bugünədək SOCAR-ın təcrübə proqramlarına 120 nəfər SDU tələbəsinin cəlb edildiyi, son iki ildə SOCAR-ın strukturuna daxil olan müəssisələrdə 41 nəfər SDU məzununun işə qəbul edildiyi vurğulanıb.
Görüş çərçivəsində BANM məzunlarının SOCAR-ın və ölkənin müxtəlif sənaye müəssisələrində, habelə transmilli şirkətlərdə çalışaraq ölkədə iqtisadiyyatın və sənayenin inkişafına töhfələr verdikləri, nəhəng şirkətlərdə Azərbaycanı layiqincə təmsil etdikləri ifadə edilib. 
 
Mətbuat xidməti
ÜNVAN
ƏLAQƏ VASİTƏLƏRİ
SUMQAYIT DÖVLƏT UNİVERSİTETİ
Sumqayıt şəhəri
43cü məhəllə, Bakı küç. 1
AZ5008
Telefon: +994-18 642-16-20
E-Mail: info@sdu.edu.az