SDU və SOCAR nümayəndələri arasında görüş keçirilib
Oktyabrın 26-da Sumqayıt Dövlət Universitetinin (SDU) və Azərbaycan Respublikası Dövlət Neft Şirkətinin (SOCAR) nümayəndələri arasında SOCAR-ın Baş Ofisinin inzibati binasında görüş keçirilib.
Görüş zamanı SOCAR-ın ödənişli və ödənişsiz istehsalat təcrübə proqramları barədə məlumat verilib, SDU-nun laboratoriyalarının müasir qurğularla təchiz edilməsi məsələsi müzakirə olunub.
Görüşdə həmçinin SDU-nun gələcək prioritet layihələri, o cümlədən yaxın zamanlarda açılışı nəzərdə tutulan İnnovasiya Yaradıcılıq Mərkəzi haqqında danışılıb, qarşılıqlı maraq doğuran digər məsələlər ətrafında fikir mübadiləsi aparılıb.
Mətbuat xidməti
