SDU-da ilk dəfə open-quiz platforması üzrə “Yaddan çıxmaz Qarabağ” mövzusunda intellektual yarış keçirildi
Noyabrın 26-da Sumqayıt Dövlət Universitetində Tələbə Həmkarlar və Tələbə Gənclər Təşkilatının təşkilatçılığı ilə ilk dəfə open-quiz platforması üzrə “Yaddan çıxmaz Qarabağ” mövzusunda intellektual yarış keçirildi.
Yarışın keçirilməsində məqsəd gənclərin intellektual səviyyəsinin yüksəldilməsinə şərait yaratmaq, istedadlı gəncləri üzə çıxarmaq, onların milli-mənəvi dəyərlərimiz və tariximiz haqqında daha geniş biliklərə sahib olmalarına kömək göstərməkdir.
12 komandanın iştirak etdiyi yarışda Azərbaycanın tarixi, Qarabağ, milli-mənəvi dəyərlərimiz, və s. mövzular üzrə suallar səsləndirildi.
Yarış komandaların xüsusi maraq və fəallığı ilə keçdi.Tarix və coğrafiya fakültəsinin “Səfəvi” komandası qalib gəldi.
Mətbuat xidməti
