Əməkdaşlarımız “Turizmin əsas problemləri” adlı vebinarda iştirak etdilər
Mayın 27-də Avropa regional şöbəsi tərəfindən “Turizmin əsas problemləri” adlı vebinar keçirildi.
Vebinar "COVID-19 dövrünün gündəliyi 2030 və SDG: əsl bərpa şansı" mövzusuna həsr edildi və UNWTO-nun Avropa üzrə regional direktoru Alessandra Priante tərəfindən təşkil edildi.
Vebinarda COVID-19 böhranı və bərpa ilə əlaqəli mövzularda müzakirələr aparıldı. Həmçinin bərpa və dəyər təklifi zamanı dayanıqlığın, inteqrasiyasının vacibliyi vurğulandı, maraqlı tərəflərə səlahiyyət vermək və turizm planının tərtib edilməsi zamanı turizm sektorunun davamlı inkişafının yeni modelinin mənimsənilməsi üzrə dialoqlar quruldu.
Vebinarda BMT-nin Cenevrə və Nyu-Yorkdakı xüsusi nümayəndəsi, UNWTO-nun institusional münasibətlər və tərəfdaşlıq departamentinin direktoru Zoritsa Urosevic, Davamlı Turizm, Griffith Universitetinin professoru Dr. Susanne Becken, Krit Texniki Universiteti Ətraf Mühəndisliyi Məktəbinin Bərpa olunan və Davamlı Enerji Laboratoriyasının direktoru Prof. Theocharis Tsoutsos, Destination Capacity Ltd (NZ), Destination Capacity Ltd-nin İdarəedici direktoru Dr. David Ermen, Boutique hotel Stadthalle və Avstriya Otellər Birliyinin prezidenti, Michaela Reittere, Norveçdə qeydə alınmış Turizm və Qoruma, QHT-nin sədri Dr. Peter Prokosch iştirak edərək Turizm məkanlarında davamlı mobillik mövzularında çıxışlar etdilər.
Həmçinin Sumqayıt Dövlət Universitetindən də Beynəlxalq əməkdaşlıq və əcnəbi tələbələr şöbəsinin xətti ilə İqtisadiyyat və idarəetmə fakültəsinin əməkdaşları: İqtisadiyyat və idatəetmə fakültəsinin İqtisadiyyat kafedrasının dosenti Lalə Mahmudova və Biznesin təşkili və menecment kafedrasının baş müəllimi Səxavət Məmmədova vebinarda iştirak etdilər.
Sonra COVID-19 pandemiyası dövründə turizm sahəsində baş verən böhranın aradan qaldırılması və iqtisadi itkilərin nisbətən bərpa olunması ətrafında müzakirələr aparıldı.
Qeyd edək ki, bir turizm mərkəzi olaraq Azərbaycan da COVID-19 pandemiyası dövründə bu problemlərlə üzləşmişdir. Bu baxımdan keçirilən vebinar olduqca əhəmiyyətlidir.
Mətbuat xidməti