Tələbəmiz Stolüstü tennis üzrə kubok qazandı
Bu günlərdə Kimya və biologiya fakültəsinin IV kurs tələbəsi Nurlan Həsənov “Şüa” İdman-Sağlamlıq Kompleksində stolüstü tennis üzrə keçirilən Azərbaycan kuboku yarışlarında iştirak edərək, komanda, qoşa, qarışıq turnirlərin qalibi oldu və kubok təqdim edildi.
Məlumat üçün bildirək ki, birincilikdə 60 idmançı komanda, şəxsi, qoşa və qarışıq qoşa yarışlarında mübarizə aparmışdır.
Nurlan Həsənov həmçinin, Stolüstü tennis üzrə Azərbaycan çempionatında fərdi, qoşa, qarışıq və komanda birinciliyində I yeri tutmuşdu.
Qeyd edək ki, Nurlan Həsənov 9 yaşında Azərbaycan Respublikasının milli yığma komandasının üzvü olmuş, bugünədək yığma komandanın tərkibində keçirilən bütün yarışlarda uğurla iştirak etmişdi.
Mətbuat xidməti