Noyabrın 6-da Tələbə Gənclər Təşkilatının təşkilatçılığı ilə fakültələrarası “9 Noyabr Dövlət Bayraq günü”nə həsr olunmuş “Nə? Harada? Nə zaman?” intellektual bilik yarışı təşkil olundu. Təşkilatın sədri Tayfun Hacılı bu cür tədbirlərin əhəmiyyətindən söz açaraq bildirdi ki, yarışın əsas məqsədi gənclərin intellektual səviyyəsinin yüksəlməsinə şərait yaratmaq, istedadlı gəncləri üzə çıxarmaq, onların milli-mənəvi dəyərlərimiz və tariximiz haqqında daha geniş biliklərə sahib olmalarına kömək göstərməkdir. Tayfun Hacılı bu cür intellektual bilik yarışının mütəmadi olaraq keçiriləcəyini diqqətə çatdırdı. Gərgin və maraqlı mübarizə şəraitində keçən yarışda 7 fakültədən 30 komanda iştirak etdi. Komandalar 3 turdan ibarət birinciliyin qalibi uğrunda mübarizə apardılar. Qalib komanda sertifikata layiq görüldü.