Sumqayıt Dövlət Universitetinə qəbul olan abituriyentlərin sənəd qəbulu 28 avqust-6 sentyabr tarixlərində onlayn formada aparılacaq:
2024/2025-ci tədris ilində Sumqayıt Dövlət Universitetinin bakalavriat səviyyəsinə qəbul olmuş şəxslər https://portal.edu.az portalına daxil olub, “Ali və orta ixtisas təhsili müəssisələrinə təhsilalan qeydiyyatı” xidmətini seçməklə onlayn formada qeydiyyatdan keçməlidirlər.
Onlayn formada qeydiyyat zamanı tələb olunan sənədlərin siyahısı:
1. Hərbi biletin (hərbi xidmətdə olmayanlar üçün çağırışçı vəsiqəsinin) surəti;
2. Təhsil haqqından azad olan imtiyazlı şəxslər üçün müvafiq sənədlərin surətləri.
Qeydiyyatı təsdiqlənmiş abituriyentlər aşağıda göstərilən sənədləri SDU-ya gələn zaman müvafiq fakültələrə təqdim etməlidirlər:
1. Şəxsiyyəti təsdiq edən sənədin 3 ədəd surəti;
2.Tam orta təhsili başa vurma haqqında sənəd (attestatın əsli) (subbakalavrlar üçün diplomun notarial qaydada təsdiq olunmuş surəti və ya arayış);
3. Hərbi bilet və ya çağırış məntəqəsinə təhkim edilmə haqqında sənəd - ağ bilet (oğlanlar üçün);
4. 4 ədəd 3x4 sm ölçülü rəngli fotoşəkil;
5. Tibbi arayış (Yalnız “Fiziki tərbiyə və çağırışaqədərki hazırlıq müəllimliyi” ixtisasına qəbul olmuş abituriyentlər üçün tələb olunur);
7.Təhsil haqqı ödənişindən azad olunan imtiyazlı tələbələrin müvafiq sənədləri notarial qaydada təsdiq olunmuş surətləri.
Qeyd: Ödənişli əsaslarla təhsil alacaq tələbələr illik təhsil haqqının minimum yarısını ödəməlidir.
DİQQƏT
http://portal.edu.az – da qeydiyyat etməyən şəxslər DİM tərəfindən qəbul olunmamış şəxs kimi hesab ediləcək və barəsində qəbul əmri verilməyəcəkdir.
Təhsil tələbə kreditinə müraciət etmək istəyən abituriyentlərin diqqətinə:
Standart təhsil tələbə kreditinə qəbul balı 250 və daha yuxarı olanlar müraciət edə bilər. Standart təhsil tələbə krediti əldə etmək üçün illik təhsil haqqının 20 faizi tələbə tərəfindən mütləq ödənilməlidir.
QEYD
Qeydiyyatla bağlı problem yaranarsa, SDU Sənəd Qəbulu Komissiyasına müraciət edə bilərsiniz.
Tel: (018)6422033
İmtiyazlarla bağlı:
Baş hüquqşünas
Tel: (050)5542539
