Sentyabrın 27-də Xəzər Universitetində ERASMUS+PETRA “Azərbaycan Universitetlərində təlim və tədrisdə mükəmməlliyin təşviqi” layihəsi çəçivəsində yerli tərəfdaşların iştirakı ilə görüş keçirildi.
Görüşdə Sumqayıt Dövlət Universitetindən Beynəlxalq Əməkdaşlıq şöbəsinin metodistləri Samirə Kərimova və Aliyə Xəlilbəyli iştirak etdilər.Tədbirdə layihə çərçivəsində Xəzər universitetində xarici tərəfdaşların iştirakı ilə noyabr ayında keçiriləcək təlimlər, yaradılacaq modul sistemi, Təlim və Öyrənmə mərkəzinin təlimatının yazılması, maliyyə məsələləri müzakirə edildi.
Tədbirdə Azərbaycan Dövlət Pedaqoji Universiteti, Azərbaycan Dillər Universiteti, Bakı Slavyan Universitetinin nümayəndələri də iştirak etdilər.
Qeyd edək ki, PETRA layihəsi çərçivəsində universitetdə Təlim və Öyrənmə mərkəzi yaradılmış, mərkəzin strategiyası hazırlanmış,avadanlıqların alınması üçün kotirovka sorğusu elan olunmuşdur.
Mətbuat xidməti