Əsas səhifə | Xəbərlər | ERASMUS + PETRA layhəsi çərçivəsində növəti təlim keçirildi
ERASMUS + PETRA layhəsi çərçivəsində növəti təlim keçirildi

İyulun 27-də Sumqayıt Dövlət Universitetində PETRA layihəsi çərçivəsində iş planı 3-ə əsasən Ali təhsil müəssisəsində elektron öyrənmə” mövzusunda növbəti təlim keçirildi. Təlimdə Tədrisin təşkili və təlim texnologiyaları üzrə prorektoru, PETRA layihəsinin SDU üzrə meneceri dosent Natiq Talıbov, Beynəlxalq əməkdaşlıq şöbəsinin müdiri Samirə Məmmədova, Beynəlxalq əməkdaşlıq şöbəsinin əməkdaşları, İnformasiya Texnologiyaları şöbəsinin əməkdaşları iştirak etdilər. 
Təlimçi Xəzər Universitetinin ali təhsil müəssisələri üzrə elektron təhsil üzrə tədqiqatçı Ülkər Bayramova “Research activities E-learning WP3” mövzusunda təqdimatla çıxış edərək tədqiqat sahəsində qəbul edilən qanunlar, tədqiqatın aparılmasının ilkin mərhələləri, bu sahədə qarşıya çıxan problemlər, tədqiqat metodları haqqında  ətraflı məlumat verdi. Nəzərinizə çatdırırıq ki, E-təhsil informasiya və müasir texnologiyanın köməyi ilə baş verən təhsil sistemidir. YUNESKO mütəxəssislərinin fikrinə görə: "e-Learning - İnternet və multimedia vasitəsilə aparılan tədris metodudur". Elektron tədris elektron dərslikləri, təhsil xidmətləri və kompyüter texnologiyalarını əhatə edir. Əslində, e-təhsil təhsilə kompüter xidmətlərindən istifadə etməklə başlamışdır. Əvvəla, ənənəvi, klassik praktik məşqlər və alternativ kompüterlərdən istifadə edərək təlimlər baş tutmuşdur.
Təlimin sonunda mövzu ətrafında suallar səsləndirildi, fikir mübadiləsi və iştirakçılar arasında debatlar aparıldı. 

 

Mətbuat xidməti

ÜNVAN
ƏLAQƏ VASİTƏLƏRİ
SUMQAYIT DÖVLƏT UNİVERSİTETİ
Sumqayıt, Azərbaycan
43cü məhəllə
AZ5008
Telefon: +994-18 642-16-20
Faks: +994-18 642-02-70
E-Mail: info@sdu.edu.az