19-20 dekabr 2014-cü il tarixində Naxçıvan Dövlət Universitetində “Əlilliyi olan insanların Azərbaycanın ali təhsil müəssisələrinə inteqrasiyasının təməlinin qoyulması” TEMPUS (ESFIDIP) 543649-TEMPUS-1-2013-1-AZ-TEMPUS-JPGR) layihəsi çərçivəsində konfrans keçirilmişdir.
Konfransın əsas məqsədi layihə çərçivəsində yerinə yetirilmiş işlərin müzakirə edilməsi və görüləcək işlərin planlaşdırılmasından ibarət idi. Konfransda Sumqayıt Dövlət Universitetini Elm və İnnovasiyalar üzrə prorektor, professor Ramazan Məmmədov, Humanitar məsələlər üzrə prorektor, dosent Nizami Namazov və Beynəlxalq Əməkdaşlıq Şöbəsinin müdiri, dosent Turqay Hüseynov təmsil etmişlər. Dosent Turqay Hüseynov layihə çərçivəsində yerinə yetirilmiş işlər haqda məruzə ilə çıxış etmişdir.
Mətbuat xidməti
